సాయిపల్లవి భారతీయ సినీ నటి. మలయాళం చిత్రం ప్రేమమ్ సినిమాతో పరిచయమైంది. ఈ సినిమాలోని మలర్ క్యారెక్టర్ ద్వారా దేశవ్యాప్తంగా గుర్తింపు లభించింది. ఆ తర్వాత తెలుగులో శేఖర్ కమ్ముల డైరెక్షన్‌లో వచ్చిన ఫిదా సినిమా ద్వారా టాలీవుడ్‌కు పరిచయమైంది. ఈ సినిమాలో భానుమతి క్యారెక్టర్ ద్వారా తెలుగు ప్రేక్షకులకు బాగా దగ్గరైంది. ఎంసీఎ, పడి పడి లేచే మనసు, లవ్‌ స్టోరీ, శ్యామ్ సింగ రాయ్, విరాట పర్వం, గార్గి వంటి చిత్రాల ద్వారా స్టార్ హీరోయిన్‌ స్థాయికి చేరుకుంది. అవార్డులు: సాయిపల్లవి తన అద్భుత నటనకు గాను అన్ని సినిమా ఇండస్ట్రీల్లో అవార్డులు పొందింది. ఫిదా, లవ్‌స్టోరీ చిత్రాలకు గాను ఉత్తమ నటిగా ఫిల్మ్‌ఫేర్ అవార్డులు పొందింది. వ్యక్తిగత జీవితం: సాయి పల్లవికి డ్యాన్సు అంటే చిన్నప్పటి చాలా ఇష్టం. తెలుగులో ఈటీవీలో ప్రసారమైన ఢీ షోలోను పాల్గొంది. టిబిలిసి స్టేట్ మెడికల్ కళాశాల, జార్జియాలో వైద్య విద్యనభ్యసించింది.